મહિલા T20 વર્લ્ડ કપ 2026 માં ભારતીય મહિલા ટીમ આજે પોતાના અભિયાનની સૌથી મહત્વપૂર્ણ મેચ રમશે. હરમનપ્રીત કૌરની આગેવાની હેઠળની ટીમનો સામનો મજબૂત ઓસ્ટ્રેલિયા સામે થશે. ભારત માટે આ મુકાબલો સેમિફાઈનલમાં પહોંચવા માટે નિર્ણાયક છે. જો તમે આ હાઈ-વોલ્ટેજ મેચ જોવાનું વિચારી રહ્યા છો, તો અહીં જાણો મેચનો સમય, સ્થળ અને લાઈવ પ્રસારણની સંપૂર્ણ વિગતો.
ભારત માટે કરો યા મરો મેચ
ગ્રુપ-1 માં ઓસ્ટ્રેલિયાએ અત્યાર સુધી ચારેય મેચ જીતીને આઠ પોઈન્ટ સાથે સેમિફાઈનલમાં સ્થાન લગભગ નિશ્ચિત કરી દીધું છે. બીજી તરફ ભારત અને દક્ષિણ આફ્રિકા બંને પાસે છ-છ પોઈન્ટ છે. જો ભારત હારી જાય અને દક્ષિણ આફ્રિકા બાંગ્લાદેશને હરાવી દે, તો ભારતીય ટીમની સફર ગ્રુપ સ્ટેજમાં જ સમાપ્ત થઈ શકે છે. જોકે દક્ષિણ આફ્રિકા હારી જાય તો નેટ રન રેટ ભારતને મદદ કરી શકે છે.